Eldhúsverk og annað

Það er mikil aksjón í gangi.
Ingó og Asi eru í eldhúsinu.
Þeir eru að gera slátur úr afgangslifrunum frá því í vetur.

Fröken B. lét sig hverfa og sökkti sér í námsbækur..
...og ég er mjög upptekin að sauma.

Öll íbúðin ber þess merki hvað ég er upptekin.

Ég er búin að færa til húsgögnin í stofunni til að fá nógu stóran sléttan flöt, á borðstofuborðinu er skurðarhnífur og motta, straubrettinu er plantað á ganginn og efnisbútar og tvinnaafgangar eru út um alla íbúð.

Já og svo er ég búin að breiða úr mér í heilt herbergi með saumavélar og helstu fylgihluti.

En sem sagt efnisbútarnir eru að verða að teppi.

Framhliðin er alveg tilbúin og í þvottavélinni er flónelsefni sem ég ætla að nota í bakhliðina.

Spennandi.